|
| 好耐未寫過xanga啦!
1023, Cherie生日, 約左成班同學去海洋公園玩. 未到今日, 大家都希望呢一日快d黎, 不過就係今日, 發生左幾件令人唔開心既事!
放左學之後, 就成班同學一齊搭車去海洋公園, 除左Mandy同Cherie同埋佢地兩個friend, 小諾 & 一個靚仔. 到左6點, 所有人到齊之後, 就開始今晚既節目!
玩左幾個鬼屋, 初頭都有少少驚, 之後就開始冇乜感覺, 可能俾某d事件影響左個心情, 不過Mandy, Cherie同芝心都好似幾驚咁, Cherie仲俾"鬼"嚇到隻手指爆甲, 可憐!
之後食左粒牛丸, 陣味好怪, 之後就玩過山車, 玩完之後就出事, 我開始作嘔作悶, 肯定係d牛丸有問題! 搞到我海盜船又冇玩, 越礦飛車又冇玩, 整係玩得果幾個鬼屋, 蝕左俾海洋公園!
去左廁所, 想嘔幾次都嘔唔出, 之後小諾俾左d李萬山我食, 好左好多, 之後走個陣, 搭完程巴士我又想嘔, 唔但至我一個, Mandy同Cherie都想嘔, 不過全部都嘔唔出, 之後就轉的士落旺角, 又蝕左! 我又想嘔, 問左個司機拎左個膠袋, 但係又用唔著.
之後同Mandy一齊搭小巴返屯門, 唯有訓覺先令我唔諗我會嘔, 因為個陣都1點幾2點, 我諗Mandy都好攰, 加上我又唔舒服, 廢事講野. 落左車, 原本諗住同Mandy搭埋的士返屋企我先返屋企, 不過我最後叫佢返到屋企打電話俾我, 但係結果佢都冇打, 真係...... 可能佢返到屋企都訓左lu!
隻腳攰到PK, 我著帆船鞋都著到隻腳攰, Mandy同Cherie著boot, 行到兩隻腳都痛. 返到屋企, 沖完涼都3點幾, 今朝11點先起身, 打左呢篇xanga.
希望Mandy同Cherie冇事啦!
| | |
| 前幾日, 俾條壁虎搞到我三魂唔見左七魄, 係正我張床隔離, 又走得快, 好噁心, 差d訓唔到覺.
呢排上堂真係唔知係度做乜, 除左數學同地理堂之外, 唔係打機, 訓覺, 就係睇報紙, 再係咁落去, 真係會死. 10月之後, 逢星期一至四, 就去自修室溫書!
我終於彈到果3隻歌啦!
| | |
| 我今日終於領悟到女人果把口既威力, 佢地把口真係仲勁過颱風, 影響力係極大! 而且, 女人既腦可以話係唔識得諗野, 正確d講, 應該係, 一少部分未過20既女人, 個腦都係唔識郁既, 人講乜佢都會信架. 所以, 我希望各位女性朋友, 你睇到呢篇野, 唔好怪我, 亦都唔好對號入座, 只要你呢一兩日都冇見過我的話, 我就唔係話緊你, 你可以放心, 因為我既女性朋友係真係個個都好好, 內外都非常之好!
我只係希望, 係件事情未搞清楚之前, 你唔好周圍唱, 亦都唔好認為你自己感覺到既, 睇到既就係事實, 搞清楚件事情先啦, 唔該! 聽既, 亦都唔該你, 求下你, 搞清楚件事情先啦, 唔好人講乜就信乜先得架, 你同人地識左幾耐呀, 一個禮拜咋, 你連佢係一個點樣既人都未搞清楚呀, 咁就信晒人地講既野, 我驚第日佢叫你去死你真係會去呀大姐, 用下個腦先啦, 唔該!
防人之心不可無呀!
| | |
| 昨天, 學完樂理之後, 就去左Uncle Fan屋企, 好開心, 打邊爐, 好正!
亦都見返d好耐冇見既人, 基本上入面除左我老豆同我阿媽唔係好耐冇見之外, 其他都好耐冇見.
冇見咁耐, 當然有好多野都唔同晒, 有好多野我都係見左面先知道.
我先講高詠楠, Barbie Ko, 我一見到佢, 我就認錯左佢係第2個, 我以為佢係讀迦密, 原來佢係讀德望.
佢大過我半年, 呢個我就一早都知架啦, 不過因為同Uncle Fan佢地唔係成日有聚會, 所以唔係成日見. 係我腦海入面只係記得有一個人大過我半年, 我之前整係記得有高詠楠呢個名, 但係佢個人就唔記得, 加上有個人, 唔知係咪佢個friend, 個名同個樣同佢有d似, 所以我就認錯左佢係果個人.
不過, 佢真係好靚女, 我都唔知點形容佢好, 總之就靚啦! 佢而家讀緊幼兒教育, 不過就唔知佢係邊到讀啦.
范欣霖, Ernest Fan, 原來佢已經13歲, 讀緊中二, 而家仲高過我, 170cm, 其實應該係我矮, 男仔170真係好正常, 而且佢而家先13歲, 有排高! 佢又瘦, 所以睇落成碌竹咁, 哈哈! 我地打完邊爐, 我就同佢玩Wii. 玩完Wii, 就睇d大人打牌.
唉, 不過Barbie早走左(早走既意思已經係12點幾架啦), 走左寶啦! 其實可能冇走寶, 因為我係遲去Uncle Fan果度, 佢地可能一早3點幾4點就開始左, 我唔知呀. 不過我當呀, 個聚會只係開始左一陣我就到, 而Barbie又早走的話, 佢就真係走左寶! 果d蘋果醋真係好好味, 再加埋果個o者喱, 一流!
希望快d再見到佢地啦! 3點幾先返到屋企, 好眼訓!
| | |
| 今日有得早放lunch, 同波子明佢地去左老麥食. 不過今日真係好黑仔, 都唔知做乜鬼!
上堂果陣, 個天落緊大雨, 個陣仲諗緊去邊到食好. 差唔多放lunch果陣, 冇乜雨, 我決定同佢地出去食, 點知一出去, 行左唔夠5分鐘, 個天又落雨, 仲要冇帶傘. 之後諗住照舊行條最快捷既路去新世紀, 點知果度因為8號風球, 成排樹 lum晒, 要兜路行, 真係頂你, d雨又越落越大, 行到去自動電梯, 諗住上去之際, 條電梯又唔曉郁, 真係......唉! 之後去到老麥, 明明叫麥樂雞餐, 佢就同我入左張單, 係脆雞漢堡, 之後改返, 果條友又以為我玩佢, 叫佢堂食, 佢又俾個紙袋我, 都唔知咩料! 食完之後, 走啦, 大雨仲未停, 結果返到學校, 成身濕晒!
返到黎屯市, 去左Ice Fire, 見到有MJ既tee, 好想買. 又有頸鏈, 又係好想買. 之後去睇介指, 又係好想買.
不過用咁多錢, 點都會有少少心痛!
(去Ice Fire既途中, 見到個男仔, 著晒白袍咁, 又著對好長既白襪, 拎住個公仔係度唔知做乜, 究竟佢係咪屯門四大怪人之一既屯門史迪仔呀?)
返到黎屋企, 上yahoo search到有得訂造獨一無二既個人頸鏈! 講起黎都要多謝Cherry!
| | |
|
